• News (қолжетімді болса) және «Акциялар» қолданбаларындағы оқу және тыңдау әрекеттеріңіз, сондай-ақ «Акциялар» қолданбасындағы пайдаланушы белсенділігіңіз News және «Акциялар» қолданбаларына тән идентификатормен байланыстырылады және Apple ID немесе басқа Apple сервистерімен байланыстырылмайды.
• News және «Акциялар» қолданбасындағы жарнамалардың сізге сәйкес келетініне көз жеткізу үшін аккаунтыңыз, сіз оқыған оқиғалар санаттары және сіз жазылған жарияланымдар туралы ақпаратты пайдалана аламыз. App Store дүкеніндегі жарнамаларды дербестендіру үшін жазылымдарыңыз жөніндегі ақпаратты да пайдалануымыз мүмкін. Төменде сипатталғандай, бұл жарнаманың реттеулерін басқаруға болады.
• «Акциялар» қолданбасындағы жазылым контентіне қол жеткізе алатыныңызға көз жеткізу үшін Apple News қолданбасындағы іскери контентке белсенді жазылымдар бар-жоғын Apple ID аккаунтыңыздан тексереміз.

Жеке деректердің құпиялылығы мен қауіпсіздігін қамтамасыз ету барлық Apple қызметкері үшін басымдық болып табылады. Біз ұсынатын сервистерді жақсарту үшін тек қажетті деректерді жинауға бар күшімізді саламыз. Саналы шешім қабылдауыңыз үшін, деректерді жинаған кезде оларды жинау туралы, сондай-ақ жинау себебі туралы хабардар етеміз. «Акциялар» қолданбасы басқа да Apple өнімдері мен сервистері сияқты осы қағидаларға негізделіп жасалған.

«Акциялар» қолданбасын жақсарту үшін біз қолданбаның өнімділігі және оны қалай пайдаланатыныңыз туралы ақпарат жинаймыз. АҚШ, Ұлыбритания, Аустралия және Канададағы пайдаланушылар үшін бұл Apple News сервисін «Акциялар» қолданбасын қалай пайдаланатыныңыз туралы ақпаратты қамтиды. Бұл деректер тек «Акциялар» қолданбасында және Apple News сервисінде қолданылатын идентификаторлармен (егер бар болса) байланысты болады және басқа Apple сервистерімен байланысты болмайды. iOS немесе iPadOS құрылғысындағы идентификаторды «Реттеулер» > «Акциялар» тармағына өтіп, «Идентификаторды бастапқы күйге қайтару» параметрін түртіп қосу арқылы бастапқы күйіне қайтаруға болады. Mac компьютерінде «Акциялар» қолданбасын ашып, «Акциялар» > «Идентификаторды бастапқы күйге қайтару» тармағына өтіп, «Идентификаторды бастапқы күйге қайтару» опциясын басыңыз. Apple News үшін қандай ақпарат жиналатыны туралы толығырақ ақпарат алу үшін мына мекенжай бойынша өтіңіз: www.apple.com/legal/privacy/data/en/apple-news.

Apple ID арқылы сатып алынған жаңалықтар жазылымдары туралы ақпарат, Apple News сервисінде қолжетімді болса, «Акциялар» қолданбасындағы жазылымдарға қолжетімділікті қамтамасыз ету үшін пайдаланылады.

Сізге қызықты контентті ұсыну мақсатында «Акциялар» қолданбасы жарнаманы қамтиды. «Дербес жарнамалар» реттеуі қосулы болса, Apple компаниясының жарнама платформасы сіз туралы ақпаратты сізге сәйкес келетін жарнамалар көрсету үшін пайдалануы мүмкін. «Дербес жарнамалар» параметрін өшірсеңіз, Apple қызметі бұл ақпаратты таргеттелген жарнама үшін пайдалана алмайды. Бұдан көрсетілетін жарнамалар саны азаймайды, бірақ сізге қатыссыз жарнамалар көрсетілуі мүмкін. iOS немесе iPadOS құрылғысында «Дербес жарнамалар» функциясын өшіруге болады. Ол үшін «Реттеулер» > «Құпиялылық және қауіпсіздік» > «Apple жарнамасы» тармағына өтіп, «Дербес жарнамалар» параметрін өшіріңіз. Mac компьютерінде «Жүйе реттеулері» > «Құпиялылық және қауіпсіздік» тармағына өтіп, «Apple жарнамасы» бөлімін таңдаңыз, содан кейін «Дербес жарнамалар» опциясынан құсбелгіні алып тастаңыз. Apple News және «Акциялар» қолданбаларында оқылатын және тыңдалатын мақалалар туралы деректер тек Apple News немесе «Акциялар» қолданбаларын пайдаланған кезде сізге жарнама жіберу үшін қолданылады.

Акциялардың баға белгіленімдері мен деректерін (сонымен қатар АҚШ, Ұлыбритания, Аустралия және Канададан тыс пайдаланушылар үшін сізді қызықтыратын акциялар туралы мақалаларды) Apple компаниясының талаптарына сәйкес ақпаратты өңдеуге міндетті серіктестер ұсынады.

Жеке деректерді өңдеу үшін қолданылатын құқықтық негіз

Қолданыстағы жергілікті заңда қарастырылған жағдайда, біз «Акциялар» қолданбасындағы жеке деректердің келесі санатын заңды мүдделеріміз үшін қажетінше өңдейміз:

• Apple News+ жазылымыңыз сияқты аккаунтыңыз туралы ақпарат

Бұл заңды мүдделерге мыналар жатады:

• Сізге және басқаларға арналған сервисті оңтайландыру және жақсарту
• Сізге қолжетімді контентті көрсету

Деректерді сақтау

«Акциялар» қолданбасына қатысты жеке деректерді іскерлік қажеттілік, келісімшарттық міндеттеме немесе заңды талаптар болғанша ғана сақтаймыз. Сақтау мерзімдерін бағалау кезінде алдымен жиналған жеке деректерді сақтау қажеттігін мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple компаниясы жинаған ақпарат әрқашан Apple компаниясының құпиялылық саясатына (www.apple.com/privacy сайтында берілген) сәйкес өңделеді

6 сәуір, 2023 жыл