• Apple Messages for Business чаты құрылғыңыз бен Apple серверлері арасында деректер алмасқанда және Apple компаниясы оларды басқа компанияларға тасымалдағанда шифрланады.
• Apple компаниясы басқа компаниялармен өзара жазысқан хабарларыңызды оқымайды.
• Құпиялылықты сақтай отырып, Apple серверлерін тексеру арқылы құрылғыңыз қай телефон нөмірлерінің Apple Messages for Business функциясына қолдау көрсету мүмкіндігіне ие екенін анықтайды.

Apple Messages for Business функциясын компаниялармен әрекеттесу, оның ішінде Apple Pay сервисі арқылы төлемдер жасау үшін пайдалануға болады. Бұл хабарлардың фоны оларды iMessage хабарларынан және стандартты SMS хабарларынан ажырату үшін сұр болады. Apple Messages for Business чаты құрылғыңыз бен Apple серверлері арасында деректер алмасқанда және Apple компаниясы оларды басқа компанияларға тасымалдағанда шифрланады. Apple компаниясы Apple Messages for Business чатында басқа компаниялармен өзара жазысқан хабарларыңызды оқымайды.

Apple компаниясы өзінің сізбен Apple Messages for Business чатында сөйлесуі үшін құрылғыңыздың сәйкес келетінін тексере алады. Apple компаниясымен чатта сөйлескенде, Apple компаниясы Apple ID аккаунтыңызбен немесе телефон нөміріңізбен байланысты идентификатор алады. Бұл ақпарат және сұхбат мазмұны Apple компаниясына хабарласқан кезде қолдау көрсету үшін пайдаланылуы мүмкін.

Басқа компаниямен сұхбат бастағанда, оған сеанс идентификаторы беріледі. Сондай-ақ басқа компаниялар шектеулі қосымша ақпарат алуы мүмкін. Мысалы, «Карталар» қолданбасында банкті іздеп, Apple Messages for Business чатында сұхбат бастасаңыз, компания қай бөлімшені таңдағаныңыз туралы хабардар болуы мүмкін. Компанияда бар ақпарат, сондай-ақ компанияға берілетін ақпарат сол компанияның құпиялылық саясатымен басқарылады. Чатта сөйлесетін компаниялардың осы ақпаратты қалай пайдаланатынын және бөлісетінін білу үшін сол компаниялардың шарттарымен, құпиялылық саясаттарымен және жұмыс істеу әдістерімен танысуға кеңес береміз.

Телефон нөміріңізді және рұқсатты тікелей компанияға беру арқылы компания жаңалықтарына жазылуға болады. Компания жаңалықтары компанияға сатып алу туралы мәліметтер сияқты жаңалықтарды хабарлауға мүмкіндік береді. Компания жаңалығы туралы хабарға жауап берсеңіз, Apple компаниясы қолдау қызметін жетілдіру үшін Apple Messages for Business сұхбатыңыздың сеанс идентификаторын компанияға береді. Бұдан былай компания жаңалықтары туралы хабар алғыңыз келмесе, оларды «Реттеулер» > «Хабарлар» > «Messages for Business» > «Компания жаңалықтары» тармағына өту арқылы өшіруге болады.

Құрылғыңыз қай телефон нөмірлерінің Apple Messages for Business функциясына қолдау көрсету мүмкіндігіне ие екенін анықтайды. Телефон нөмірі таңдалғанда, құрылғыңыз Apple серверлеріне таңдалған нөмірдің Apple Messages for Business функциясына қолдау көрсететіні не көрсетпейтіні туралы сұрау жібереді. Сұрау жіберу кезінде, оның құпиялылығы сақталады. Құрылғыңыз Apple серверлеріне таңдалған нөмірді қамтуы немесе қамтымауы мүмкін телефон нөмірлерінің блогы туралы сұрау жібереді. Құрылғыңыз Apple серверлерінен келген ақпаратты телефон нөмірлерінің Apple Messages for Business функциясына қолдау көрсететіні не көрсетпейтінін анықтау үшін пайдаланады.

Жеке деректерді өңдеу үшін қолданылатын құқықтық негіз

Apple Messages for Business функциясын пайдаланғанда, жеке деректеріңізді қызмет көрсету үшін қажет болған жағдайда және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес іздейміз.

Қолданыстағы жергілікті заңда қарастырылған жағдайда, біз заңды мүдделеріміз немесе үшінші тараптың мүдделері үшін қажетті жеке деректердің келесі санаттарын өңдейміз, соның ішінде:

• Apple Messages for Business қосылған-қосылмағаны және құрылғыңыздың ағымдағы уақытта хабарларды қабылдау мүмкіндігі
• Сеанстарыңыз, мысалы, жіберілген хабарлардың ұзақтығы мен саны
• Apple компаниясымен сұхбаттарыңыз

Бұл заңды мүдделерге мыналар жатады:

• Ақауларды жою, алаяқтық немесе қылмыстық әрекеттерге жол бермеу немесе Apple карталары және Spotlight сияқты қатысты өнімдер мен қызметтерді жақсарту
• Сізге және басқаларға арналған Apple Messages for Business архитектурасын сақтауға, сервисті жақсартуға және оңтайландыруға көмектесу

Сұрауыңыз Apple Card картасына қатысты болып, қызмет көрсету мақсатында Goldman Sachs банкіне жіберілген жағдайда, Goldman Sachs банкінің сізге көмектесуіне мүмкіндік беру үшін Apple компаниясы онымен жеке ақпаратыңызды және сұрауыңыз туралы ақпаратты бөліседі. Goldman Sachs банкінің қолдау көрсету қызметі тәулік бойы, аптасына 7 күн жұмыс істейді. Сондай-ақ Goldman Sachs банкіне 877-255-5923 телефон нөмірі бойынша хабарласуға немесе Goldman Sachs Bank USA, P.O. мекенжайы бойынша пошта арқылы хат жіберуге болады Box 45400, Salt Lake City, Utah 84115-0400.

Деректерді сақтау

Apple жеке деректерді тек жинау мақсаттарын орындау үшін қажет болғанша, соның ішінде Apple құпиялылық саясатында немесе қызметке тән құпиялылық туралы хабарламаларымызда сипатталғандай немесе заң талап еткендей сақтайды. Сақтау мерзімдерін бағалау кезінде алдымен жиналған жеке деректерді сақтау қажет пе, жоқ па, соны мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді

2024 жылғы 5 наурызы