Apple Pay сервисін жетілдіруге атсалысамын десеңіз, Apple компаниясы Apple Pay және онымен байланысты функцияларды дамыту және жетілдіру мақсатында қаржылық шотыңызға қосқан карталардың төменде көрсетілген транзакция мен шот мәліметтерін пайдалануы мүмкін. Мысалы, Apple компаниясы сатушылардың Apple тұтынушылары үшін тиімді жолмен тиісті түрде сұрыпталуын бағалауға көмектесу мақсатында сатушы атын немесе санатын тексеруі мүмкін.

Транзакция және шот мәліметтері құрылғыңыздан тікелей Apple компаниясына жіберіледі. Құпиялылығыңызды қорғау үшін транзакция немесе шот туралы мәліметтеріңізбен қатар жүретін идентификаторлар (мысалы, шот, транзакция немесе құрылғы идентификаторлары) алынып тасталады немесе сізбен немесе құрылғыңызбен оңай байланыстыра алмайтындай шифрланады. Сондай-ақ Apple компаниясы транзакция мен шот мәліметтерінің транзакцияларды өзіңізбен кері байланыстыру мақсатында пайдаланылмайтындығына көз жеткізу үшін қосымша қорғаныс механизмдерін қолданды. Мысалы, Apple транзакция жасалған нақты уақытты сақтамайды.

Apple арқылы жіберілген және сақталған мәліметтер:

• Кездейсоқ идентификатор
• Шотыңызға немесе транзакцияңызға қатысты кодталған идентификаторлар
• Транзакция түрі (мысалы, дебеттік немесе несиелік, аудару)
• Транзакция сомасы және валютасы
• Транзакция күні
• Транзакция сипаттамасы
• Транзакция және/немесе шот күйі
• Сатушы туралы ақпарат (мысалы, аты, санаты)
• Шот түрі және күйі
• Шот теңгерімі
• Шот шарттары (мысалы, пайыздық мөлшерлеме)
• Қаржылық мекеме

Apple компаниясы жинаған ақпарат әрқашан Apple компаниясының құпиялылық саясатына (www.apple.com/privacy сайтында берілген) сәйкес өңделеді

2024 жылғы 5 наурызы