• «Төтенше қоңырау — SOS» функциясын төтенше қызметтерге қоңырау шалу үшін пайдаланған кезде, геолокация сервистерінің қосулы болу-болмауына қарамастан, диспетчердің сізге көмектесуіне мүмкіндік беру үшін қоңырау шалғанда геолокацияңыз көрсетілуі мүмкін.
• Қоңырау аяқталғанда, төтенше жағдайда қажетті контактілеріңізге геолокация көрсетілген және төтенше жағдай қызметтеріне қоңырау шалғаныңыз туралы хабарландыру бар хабар жіберуге болады.

«Төтенше қоңырау — SOS» функциясының көмегімен төтенше қызметтерге оңай қоңырау шалуға және төтенше жағдайда қажетті контактілерге төтенше жағдай туралы ескертуге болады. «Төтенше қоңырау — SOS» функциясының көмегімен қоңырау шалған кезде, құрылғыңыздан жергілікті төтенше қызмет нөміріне автоматты түрде қоңырау шалынады. Кейбір елдер мен аймақтарда төтенше қызмет болып тағайындалатын сервисті таңдау қажеттігі болуы мүмкін. Геолокация сервистерінің қосулы болу-болмауына қарамастан, диспетчерден көмек алу үшін, қоңырау шалған кезде, геолокацияңыз көрсетілуі мүмкін. Қоңырау аяқталғаннан кейін, төтенше жағдайда қажетті контактілерге төтенше жағдай қызметтеріне қоңырау шалынғаны туралы хабар жіберуге болады. Бұл хабарда геолокацияңыз да көрсетілген. Төтенше жағдайда қажетті контактілерді iPhone құрылғысындағы «Денсаулық» қолданбасында медициналық картаны өңдеу арқылы басқаруға болады.

Шектеулі уақыт ішінде құрылғыңыз геолокацияңыз өзгерген сайын төтенше жағдайда қажетті контактілеріңізге жаңартулар жібереді. Бұл жағдайда хабарландыру аласыз. «Төтенше қоңырау — SOS» функциясын Apple Watch сағатында пайдаланғанда, бұл жаңарту әрекеттерін Apple Watch сағатының хабарландыру бөлімінде «Жаңарту әрекетін тоқтату» опциясын түртіп тоқтатуға болады. «Төтенше қоңырау — SOS» функциясын iPhone құрылғысында пайдаланғанда, бұл жаңарту әрекеттерін iPhone құрылғысындағы күй жолағын түртіп, «Төтенше қоңырау геолокациясын бөлісу әрекетін тоқтату» опциясын таңдау арқылы тоқтатуға болады.

Геолокация сервистері өшірулі болған жағдайда, олар төтенше жағдайда қажетті контактілеріңізді геолокацияңыз туралы хабарлау мақсатында уақытша қосылады. Геолокацияңызды бөліскенде 24 сағат ішінде төрт сағат сайын бөлісу әрекетін тоқтату туралы еске салу аласыз. Геолокацияңызды төтенше жағдайда қажетті контактілерге жібергіңіз келмесе, iPhone құрылғыңызда «Реттеулер» > «Құпиялылық және қауіпсіздік» > «Геолокация сервистері» > «Жүйелік сервистер» тармағы арқылы өтіп, «Төтенше қоңыраулар және SOS» функциясын өшіріңіз.

2022 жылғы 12 қыркүйек