• Apple компаниясы құрылғыңызда көрсетілетін қосылған картаңыздың мынадай деректерін жинайды және стандарттайды: транзакциялар, теңгерім, жоспарлы немесе қайталама төлемдер туралы ақпарат және шот нөмірі сияқты шот деректері.
• Apple компаниясының толық еншілес компаниясы шотыңыз туралы ақпаратты көреді, бірақ сақтамайды.
• Apple компаниясы сізбен енді байланысты емес байланыстырылған карта деректерін Apple Pay және басқа Apple өнімдері мен сервистерін жақсарту үшін пайдалануы мүмкін.

Карталарды байланыстырсаңыз, теңгерім және соңғы транзакциялар сияқты шот туралы жаңартылған ақпаратты көруге мүмкіндік ала отырып, қаржыңызды тиімдірек басқаруға болады.

Картаны қосу

Wallet қолданбасындағы картаны түрткен кезде, Apple компаниясы оның шығарылған елін және шығарушысын қарап, оның қаржы мекемеңізге қосылуға жарамдылығын тексереді. Сондай-ақ Apple компаниясы функциялардың өнімділігін қамтамасыз ету үшін функцияға қатынасу мүмкіндігін шектеуі мүмкін; мұндай кез келген шектеу кездейсоқ ретпен үлестіріледі және Apple компаниясымен қарым-қатынасыңызға негізделмейді.

Картаны қосу үшін түрткенде, Apple компаниясы картаңыз бен оған қатысты шот туралы ақпаратты (мысалы, ішінара шот нөмірі) шығарушы қаржы мекемесін анықтау үшін пайдаланады. Содан кейін Apple компаниясы қаржы мекемесіне бапталып жатқан қосылымның түрі туралы ақпаратты, соның ішінде қосылымның басталу уақытын және сұралып жатқан ақпараттың түрін (мысалы, транзакция және теңгерім деректері) және шот идентификаторын жібереді. Мақұлданса, банк Apple компаниясына құрылғыда қосылған картаны баптау үшін пайдалануға болатын идентификаторды жібереді.

Құрылғыңыз қаржы мекемесінің қолданбасына немесе веб-сайтына қосылу үшін идентификатор немесе қауіпсіз сілтемені пайдаланады. Қаржы мекемеңіз арқылы аутентификациядан өтесіз және құрылғыңызға қосқыңыз келетін шоттарды анықтауыңыз мүмкін. Қаржы мекемеңіз шоттарыңыз және қосылым көлемі туралы ақпаратты келісім токенін жасау үшін пайдаланады. Бұл токенді шотыңызға қол жеткізу және жаңартылған деректер алу үшін құрылғыңызда пайдалануға болады. Apple келісім токенін шифрлап, құрылғыңызға сақтау үшін жібереді; Apple келісім токенін сақтамайды.

Шот туралы ақпаратты жаңарту және көру

Шотыңыз туралы ақпарат Wallet қолданбасындағы картаны түрту арқылы шотыңызбен әрекеттер орындаған сайын жаңартылады, ал теңгеріміңіз туралы ақпарат онлайн немесе қолданба ішіндегі Apple Pay транзакциясын іске қосқан кезде жаңартылады. Шотыңыз туралы жаңартылған ақпаратты кез келген уақытта көруге болады. Ол үшін Wallet қолданбасына өтіп, қосылған картаңызды түртіңіз немесе «Реттеулер» > «Wallet және Apple Pay» тармағына өтіп, [қаржы мекемеңізді] түртіңіз. Теңгерім туралы жаңартылған ақпаратты Apple Pay транзакциясын қосылған картамен іске қосқан немесе Apple Pay төлем әдісін таңдаған кезде де көруге болады.

Шот туралы ақпаратты жою

Шот туралы жаңартылған ақпараттың алынуын тоқтатуға болады. Ол үшін «Реттеулер» > «Wallet және Apple Pay» тармағына өтіп, [қаржы мекемеңізді] түртіңіз және «Деректер алу» опциясын түртіп өшіріңіз. Өшіірілгеннен кейін, шот туралы бар ақпаратты «Шот белсенділігін жою» түймесін түрту арқылы жоюға болады.

Шотыңызды кез келген уақытта ажыратуға болады. Ол үшін «Реттеулер» > «Wallet және Apple Pay» > [қаржы мекемеңіз] > «Ажырату» тармағын түртіңіз. Қаржы мекемеңіз ажыратылса, Apple компаниясының шотыңыздың мәліметтеріне қол жеткізуіне берген келісіміңіз жойылады, сол мекемемен байланысты барлық шот ажыратылады және олар туралы бұрын алынған ақпарат жойылады.

Аналитика

Функцияны жақсарту үшін Apple компаниясы қосылу процесі және байланыстырылған карталарыңызды Wallet және «Реттеулер» қолданбаларында пайдалану туралы ақпаратты жинап, жеке басыңыз анықталмайтындай сақтайды. Бұл ақпарат қосылу процесін орындауға жұмсалатын уақыт және «Байланыстырылған карталар» функциясының қандай аспектілері жиі пайдаланылатыны туралы деректерді қамтиды. Apple компаниясы бұл ақпаратты Apple өнімдері мен сервистерін жақсарту, маркетинг жүргізу, алаяқтықтың алдын алу және қауіпсіздікті сақтау үшін де пайдалануы мүмкін.

Байланыстар

Apple компаниясы хабардың (соның ішінде маркетингтік) сізге қатысты екенін анықтау үшін байланыстырылған карталарыңыз туралы деректерді пайдалануы мүмкін. Сізбен байланысы жоқ анонимді және жалпыланған ақпарат осы функция туралы жарнамалық ақпаратты жіберу және басқа да хабарлар үшін қолданылуы мүмкін. Жарнамалық хабарларды эл. пошта арқылы алудан бас тарту сілтемесін басу немесе Wallet хабарландыруларын өшіру арқылы жарнамалық хабарландыруларды алудан бас тартуға болады.

Қолдау

«Байланыстырылған карталар» туралы сұрақтарыңыз болса, Apple қолдау көрсету қызметіне хабарласуға болады. Apple компаниясы сұрауыңызды өңдеу үшін сіз бөлісетін кез келген ақпаратты, соның ішінде жеке деректерді пайдаланады.

Заңды тұлғалар және жеке деректерді өңдеу үшін қолданылатын құқықтық негіз

АҚШ-та болсаңыз, «Байланыстырылған карталар» сервисін Apple Payments Services LLC немесе еншілесі ұсынады; Ұлыбританияда болсаңыз, «Байланыстырылған карталар» сервисін Apple Payment Services Ltd ұсынады (барлығы бірге «Apple» деп аталады). Apple компаниясы жеке деректеріңізді әдетте Apple компаниясымен келісімшартты орындау, қызмет көрсету үшін қажет болған жағдайда және заңды міндеттемелерімізді орындау үшін өңдейді. Келісім тиісті заңды негізге сүйенсе, Apple компаниясы оны қолданыстағы жергілікті заңға сәйкес іздейді.

Қолданыстағы жергілікті заңда қарастырылған жағдайда, Apple компаниясы заңды мүдделеріміз немесе үшінші тараптың мүдделері үшін қажетті жеке деректерді келесі мақсатпен өңдейді:

• Шот туралы ақпаратты құрылғыңызда көрсету үшін стандарттау және пішімдеу
• «Байланыстырылған карталар», Apple Pay, Wallet және «Реттеулер» қолданбаларын жақсартуға көмектесу
• Алаяқтықтың және басқа зиянды әрекеттердің алдын алу

Пайдаланылған деректер мыналарды қамтиды:

• Құрылғыңыз бен Apple аккаунтыңыз туралы мәліметтер
• Қаржы мекемеңізден алынған шот туралы ақпарат

Ұлыбританияда болсаңыз, тіпті қаржы мекемеңізден ажыратылғаннан кейін де, Apple Payment Services Ltd компаниясы «Байланыстырылған карталар» сервисіне қатысты ақпаратты заңға немесе заңды процеске сәйкес қажет және талап етілетін дәрежеде пайдалануы мүмкін.

Толығырақ ақпарат

Қосылған картадан жиналған транзакция деректері Apple компаниясына жіберілуі мүмкін және Wallet ішіндегі карталардың транзакциялар тарихында ұйымдардың атауларын дәлірек көрсету үшін пайдаланылуы мүмкін. Бұл ақпарат Apple карталарын, Apple Pay сервисін және Wallet қолданбасын жақсарту мақсатында жеке сізбен байланысты емес деректерде және жиынтық түрінде сақталуы мүмкін.

Apple жеке деректерді тек жинау мақсаттарын орындау үшін қажет болғанша, соның ішінде осы хабарламада сипатталғандай және Apple құпиялылық саясатына сәйкес немесе заң талап еткендей сақтайды. Сақтау мерзімдерін бағалау кезінде алдымен жиналған жеке деректерді сақтау қажет пе, жоқ па, соны мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді

Жарияланған күні: 2024 жылғы 20қыркүйек