«Siri көмекшісінен сұрау, мәтінді дауыспен енгізу және құпиялылық» мақаласында Siri көмекшісінің және «Мәтінді дауыспен енгізу» функциясының әдепкі әрекеті сипатталады. Siri көмекшісін және «Мәтінді дауыспен енгізу» функциясын жақсартуға үлес қосқыңыз келсе, қосымша деректер жиналады, сақталады және қаралады. Қосымша ақпарат алу үшін www.apple.com/legal/privacy/data/en/improve-siri-dictation веб-бетіне өтіңіз.

Сұраулар жіберген кезде, Siri көмекшісі сұрауларыңызды өңдеу және жауап беру мақсатында сіз туралы белгілі бір деректерді Apple компаниясына жібереді

Siri көмекшісін пайдаланған кезде, құрылғыңыздағы «Siri реттеулері» мәзірінде айтылатын сөздердің шынымен де құрылғыңызда өңделіп, Siri серверлеріне жіберілмей қалғаны көрсетіледі. Әйтпесе дауыстық енгізілімдеріңіз Siri серверлеріне жіберіліп, сол жерде өңделеді. Барлық жағдайда серверлердегі әрекеттеріңіздің транскрипциялары сұрауларыңызды өңдеу мақсатында Apple компаниясына жіберіледі.

«Мәтінді дауыспен енгізу» функциясын пайдаланғанда, құрылғыңыз «Мәтінді дауыспен енгізу» функцияларын әдеттегідей пайдалану (мысалы, іздеу өрісіне мәтінді дауыспен енгізу емес, хабарлар мен ескертпелер жазу) кезінде дауыстық енгізілімдеріңіз бен транскрипциялардың шынымен де құрылғыда өңделіп, Siri серверлеріне әдепкі бойынша жіберілмейтінін «Пернетақта реттеулері» мәзірінде көрсетеді. Әйтпесе дауыспен енгізілетін нәрселер серверге жіберіліп, сол жерде өңделеді.

Siri және «Дауыспен теру» функциясын пайдаланғанда, құрылғыңыз мынадай басқа Siri деректерін жібереді:

• Контактілердің аттары, лақап аттары және контактілерде бапталған жағдайда, олармен қарым-қатынас сипаттамасы (мысалы, «менің әкем»)
• Жүгіну формасы, тіл және аймақ реттеулерінде орнатылған болса
• Сізге ұнайтын музыка және подкасттар
• Өзіңізде және «Отбасылық қол жеткізу» тобының мүшелерінде бар құрылғылардың атаулары
• Керек-жарақтар, үйлер мен сценарийлердің атаулары және «Үй» қолданбасында үйді ортақ пайдаланатын мүшелердің аттары және Apple TV пайдаланушы профильдері
• «Фотолар» қолданбасындағы адамдардың аттары, оятқыштардың және «Еске салғыш» тізімдерінің атаулары сияқты элементтердің белгілері
• Құрылғыңызға орнатылған қолданбалардың және Siri арқылы қосылған жылдам пәрмендердің атаулары

Siri сұрауларыңыздың компьютерде жасалатын транскрициясын да қамтитын Siri деректері Siri көмекшісі мен «Мәтінді дауыспен енгізу» функциясының iOS құрылғыңызда және iOS құрылғыңызбен бірге пайдалануға болатындай бапталған кез келген Apple Watch сағатында, HomePod динамигінде немесе қолдау көрсетілетін HomeKit керек-жарағында айтатын сөздеріңізді жақсырақ түсінуін және тануын қамтамасыз ету мақсатында пайдаланылады.

Siri деректері, оның ішінде Siri сұраулары құрылғыда жасалатын кездейсоқ идентификатормен байланысты. Бұл кездейсоқ идентификатор Apple ID аккаунтыңызбен, эл. поштаңыздың мекенжайымен немесе Apple компаниясына басқа Apple сервистерін пайдалану нәтижесінде берілетін басқа да деректермен байланысты емес.

Siri деректері маркетингтік профиль жасау үшін пайдаланылмайды және ешкімге сатылмайды.

Геолокация сервистері қосулы болса, құрылғыңыздың сұрау жіберілетін уақыттағы геолокациясы да Siri көмекшісі мен «Мәтінді дауыспен енгізу» функциясының сұрауларыңызға жауап беру дәлдігін қамтамасыз ету мақсатында Apple компаниясына жіберіледі. Сұрауға сәйкес келетін жауаптар беру үшін Apple компаниясы геолокацияны географиялық аймақпен сәйкестендіру арқылы геолокацияңызды шамалап анықтау мақсатында интернет қосылымының IP мекенжайын пайдалануы мүмкін.

Siri серверлерінде деректердің тек минималды көлемі сақталады

Siri көмекшісін пайдаланғанда, Apple компаниясы Siri көмекшісі арқылы орындалған әрекеттеріңіздің транскрипциясын сақтайды және олардың ішкі жиынтығын Siri көмекшісі мен «Мәтінді дауыспен енгізу» функциясын, сондай-ақ «Дауыспен басқару» функциясы сияқты тілді өңдеуге арналған басқа да функцияларды әзірлеу және жақсарту мақсатында талдауы мүмкін.

«Мәтінді дауыспен енгізу» функциясын пайдаланғанда, құрылғыңыз «Мәтінді дауыспен енгізу» функцияларын әдеттегідей пайдалану (мысалы, іздеу өрісіне мәтінді дауыспен енгізу емес, хабарлар мен ескертпелер жазу) кезінде дауыстық енгізілімдеріңіз бен транскрипциялардың шынымен де құрылғыда өңделіп, Siri серверлеріне әдепкі бойынша жіберілмейтінін немесе сол жерде сақталмайтынын «Пернетақта реттеулері» мәзірінде көрсетеді. Әйтпесе Apple компаниясы дауыспен енгізген сөздеріңіздің транскрипциясын сақтайды және олардың ішкі жиынтығын Siri көмекшісін, «Мәтінді дауыспен енгізу» функциясын және «Дауыспен басқару» функциясы сияқты тілді өңдеуге арналған басқа да функцияларды әзірлеу және жақсарту мақсатында талдауы мүмкін.

Сұраулар тарихы кездейсоқ идентификатормен алты айға дейін байланысты болады. Сұраулар тарихына транскрипция, аудиожазбалар (пайдаланушы Siri көмекшісі мен «Мәтінді дауыспен енгізу» функциясын жақсартуға үлес қосқан жағдайда), Siri деректері және құрылғы сипаттамалары, конфигурациясы, өнімділік туралы статистикалық деректер сияқты байланысты деректер және сұрау жіберілген уақыттағы құрылғының болжалды геолокациясы кіруі мүмкін. Алты айдан кейін сұраулар тарихы кездейсоқ идентификатордан ажыратылып, Apple компаниясына Siri, «Мәтінді дауыспен енгізу» функциясын және «Дауыспен басқару» функциясы сияқты тілді өңдеуге арналған басқа да функцияларды әзірлеуге және жақсартуға көмектесу мақсатында екі жылға дейін сақталуы мүмкін. Талданған сұраулардың шағын ішкі жиынтығы Siri көмекшісінің функцияларын жақсарту үшін екі жылдан көп уақыт сақталуы мүмкін. Бұл жағдайда ол кездейсоқ идентификатормен байланысты болмайды.

Үшінші тарап қолданбаларына «“Siri көмекшісінен сұрау” функциясын пайдалану» функциясын пайдалануға рұқсат берсеңіз, Siri көмекшісіне сұрауыңызды өңдеуге көмектесу мақсатында бұл қолданбалардың кейбір деректері Apple компаниясына жіберілуі мүмкін, ал сұрауыңыздың кейбір бөліктері сұрауыңызға жауап беру немесе тиісті әрекеттер орындау (мысалы, хабар жіберу немесе сапарды брондау) мақсатында қолданбаға беріледі. Siri көмекшісі сіздің атыңыздан үшінші тарап қолданбасымен әрекеттескенде, сол қолданбаның шарттары мен талаптары және құпиялылық саясаты қолданылады. Қолданбаларға Siri көмекшісін транскрипциялау мақсатында пайдалануға рұқсат берген жағдайда, транскрипцияланатын дауыстық деректер Apple компаниясына жіберілуі мүмкін.

iCloud сервисін пайдаланған жағдайда, өтпелі шифрлау көмегімен Siri реттеулері барлық Apple құрылғыңызда синхрондалады. Siri бапталған болса, «Siri» фразасын әр құрылғыда дербестендірілген тану опциясын жақсарту мақсатында іріктеп алынған бірнеше сұрау да өтпелі шифрлау көмегімен шифрланады. Дербестендірілген сөйлеуді тану модельдері, сондай-ақ Siri көмекшісімен және «Мәтінді дауыспен енгізу» функциясымен құрылғыда орындалған әрекеттер құрылғыдағы ақпаратты дәлдікті және модель өнімділігін арттыру мақсатында пайдалануы мүмкін. Құрылғыдан алынған жақын жердегі таймерлер, оятқыштар мен ортақ медианың күйі және HomePod динамигінде «Жеке сұраулар» опциясын қосқан жағдайда, телефон қоңырауының күйі және сол құрылғыға дейінгі қашықтық басқа пайдаланушыларға оларды Siri көмекшісінің көмегімен жақын жердегі құрылғылардан басқаруға мүмкіндік беру мақсатында жақын жердегі Apple құрылғыларымен жергілікті түрде ортақ пайдаланылады.

Таңдау және басқару мүмкіндігіңіз бар

«Siri көмекшісінен сұрау» немесе «Мәтінді дауыспен енгізу» функциясын кез келген уақытта өшіруге болады. «Siri көмекшісінен сұрау» функциясын өшіру үшін «Реттеулер» > «Siri және іздеу» > «Тыңдау» тармағына өтіп, функцияны өшіріңіз және «Реттеулер» > «Siri және іздеу» тармағына өтіп, «Siri көмекшісін «Басты бет» түймесімен ашу» немесе «Siri көмекшісін бүйірлік түймемен ашу» функциясын өшіріңіз. «Мәтінді дауыспен енгізу» функциясын өшіру үшін «Реттеулер» > «Жалпы» > «Пернетақта» тармағы арқылы өтіп, «Мәтінді дауыспен енгізу функциясын қосу» параметрін өшіріңіз. «Siri көмекшісінен сұрау» функциясын да, «Мәтінді дауыспен енгізу» функциясын да өшіргіңіз келсе, Apple компаниясы кездейсоқ идентификатормен байланысты Siri деректерін жояды.

Кездейсоқ идентификатормен байланысты алты ай сақталған сұраулар тарихын жою үшін «Реттеулер» > «Siri және іздеу» > «Siri және мәтінді дауыспен енгізу тарихы» тармағы арқылы өтіп, «Siri және мәтінді дауыспен енгізу тарихын жою» түймесін түртіңіз.

«“Siri көмекшісінен сұрау” функциясын пайдалану» функциясын пайдалана алатын қолданбалар тізімін кез келген уақытта басқаруға болады. Ол үшін «Реттеулер» > «Siri және іздеу» > [қолданбаның атауы] > «“Siri көмекшісінен сұрау” функциясын пайдалану» тармағына өтіңіз.

Siri көмекшісі үшін геолокация сервистерін өшіру үшін «Реттеулер» > «Құпиялылық және қауіпсіздік» > «Геолокация сервистері» тармағына өтіп, «Siri және мәтінді дауыспен енгізу» параметрі үшін «Ешқашан» нұсқасын түртіңіз.

Siri дербестендіруінің барлық құрылғыңызда синхрондалуын қаламасаңыз, Siri көмекшісін өшіруге болады. Ол үшін «Реттеулер» > «[атыңыз]» > «iCloud» тармағы арқылы өтіп, «Siri» параметрін өшіріңіз.

Сондай-ақ Siri көмекшісі мен «Мәтінді дауыспен енгізу» функциясын пайдалану мүмкіндігін толығымен шектеуге болады. Ол үшін «Реттеулер» > «Экран уақыты» > «Контент және құпиялылық шектеулері» > «Рұқсат етілген қолданбалар» тармағы арқылы өтіп, «Siri және дауыспен енгізу» параметрін түртіңіз.

Siri көмекшісін транскрипциялау мақсатында қай қолданбалардың пайдалана алатынын басқаруға болады. Ол үшін «Реттеулер» > «Құпиялылық және қауіпсіздік» > «Сөйлеуді тану» тармағы арқылы өтіңіз.

Siri көмекшісін немесе «Мәтінді дауыспен енгізу» функциясын пайдалану арқылы сіз Apple компаниясының және оның еншілес компаниялары мен агенттерінің осы ақпаратты Siri көмекшісі мен «Мәтінді дауыспен енгізу» функциясының Apple өнімдері мен сервистеріндегі функционалдылығын қамтамасыз ету және арттыру мақсатында тасымалдауына, жинауына, сақтауына, өңдеуіне және пайдалануына келісесіз. Apple компаниясы бұл ақпаратты сенімді үшінші тараптық сервис провайдерлерінде өңдеп, сақтауы мүмкін. Apple компаниясы жинаған ақпарат әрқашан Apple компаниясының құпиялылық саясатына (www.apple.com/privacy сайтында берілген) сәйкес өңделеді

2023 жылғы 18 қыркүйек