• Біздің редакторларымыз іріктеген ең үздік мақалалардан тұратын Apple News жаңалықтар жинағын алуыңызға болады. Ол үшін эл. пошта мекенжайыңызды көрсетіңіз.
• Сондай-ақ кейбір елдерде Apple News жаңалықтар жинағының қызығушылықтарыңызға сәйкес келетін мақалалардан тұратын жекелендірілген нұсқасын таңдауға болады.
• News сервисінде оқылған жекелендірілген жаңалықтар жинағының тарихы құрылғыңызда сақталады. Apple компаниясына жіберілген жиынтық ақпаратта сіздің қандай мақалаларды оқығаныңыз көрсетілмейді, сондықтан Apple компаниясы оқылған мақалалар тарихын білмейді.

Apple News жаңалықтар жинағы АҚШ, Канада, Аустралия және Ұлыбританияда қолжетімді. Сондай-ақ кейбір елдерде жекелендірілген жаңалықтар жинағы қолжетімді.

Apple News жаңалықтар жинағы

Эл. пошта арқылы Apple News редакторлары іріктеген ең үздік мақалаларды алып отырғыңыз келсе, Apple компаниясына эл. пошта мекенжайыңызды беруіңізге болады. Apple компаниясы жаңалықтар жинақтарыңызға жергілікті жаңалықтарды қосу үшін Apple аккаунтыңыз (мысалы, есепшотқа арналған пошта индексі) туралы ақпаратты пайдалануы мүмкін. News қолданбасында Apple News сервисінен эл. хаттарды алуға келісім беруге немесе одан бас тартуға, сондай-ақ жаңалықтар жинағы параметрлерін басқаруға болады. iOS немесе iPadOS құрылғысында «Жазылған» тізімін соңына дейін айналдырыңыз да, «Басқару» бөлімінен «Хабарландырулар және эл. пошта» опциясын таңдаңыз. On a Mac, select File > Manage Notifications & Email. (Mac құрылғысында «Файл» > «Хабарландыруларды және эл. поштаны басқару» тармағын таңдаңыз.) Сондай-ақ бұл функцияны Apple аккаунты реттеулерінде қосуға немесе өшіруге болады. Apple аккаунты реттеулерін iOS немесе iPadOS құрылғысында «Реттеулер» бөлімінде, Mac компьютерінде System Settings (Жүйе реттеулері) бөлімінде, сондай-ақ account.apple.com веб-сайтында басқаруға болады.

Жекелендірілген Apple News жаңалықтар жинағы

Кейбір елдерде Apple News жаңалықтар жинақтарының жекелендірілген нұсқаларын таңдауға болады. Жекелендірілген жаңалықтар жинақтары Apple News редакторлары іріктеген ең үздік мақалаларды, сондай-ақ редакторлардың қызығушылықтарыңызға сәйкес іріктеген мақалаларын қамтиды.

Егер жекелендірілген жаңалықтар жинақтарын алуды ұйғарсаңыз, құрылғыдағы жасанды интеллект алгоритмдері сіз не оқитыныңызды талдап, сізді қызығушылықтары сіздікімен ұқсас мыңдаған адамдар тобына қосады. Бұл қызығушылықтар туралы ақпарат жаңалықтар жинақтарын жекелендіру мақсатында Apple компаниясына жіберіледі.

Apple News сервисінде оқылған мақалалар тарихы құрылғыңызда сақталады. Apple компаниясына жіберілген жиынтық ақпаратта сіздің қандай мақалаларды оқығаныңыз көрсетілмейді, сондықтан Apple компаниясы оқылған мақалалар тарихын білмейді. Егер Apple News+ сервисіне жазылсаңыз, эл. пошта арқылы келетін жаңалықтар жинақтарымен қоса жазылған журналдардың жаңа шығарылымдарын да алып отыратын боласыз. Сіз жазылған Apple News+ арналарының тізімі Apple компаниясына жіберіледі және Apple аккаунтыңызбен байланыстырылады.

Жекелендірілген жаңалықтар жинақтарын алғыңыз келмесе, News қолданбасында бас тартуға болады. iOS немесе iPadOS құрылғысында «Жазылған» тізімін соңына дейін айналдырыңыз да, «Басқару» бөлімінен «Хабарландырулар және эл. пошта» опциясын таңдаңыз. On a Mac, select File > Manage Notifications & Email. (Mac құрылғысында «Файл» > «Хабарландыруларды және эл. поштаны басқару» тармағын таңдаңыз.) Сондай-ақ бұл функцияны Apple аккаунты реттеулерінде өшіруге болады. Apple аккаунты реттеулерін iOS немесе iPadOS құрылғысында «Реттеулер» бөлімінде, Mac құрылғысында System Settings (Жүйе реттеулері) бөлімінде, сондай-ақ account.apple.com веб-сайтында басқаруға болады.

Жекелендірілген жаңалықтар жинақтарын олар қолжетімді болатын елдерде алып отыру үшін оларды News қолданбасынан қосу қажет. Оны «Реттеулер», «Жүйе реттеулері» бөлімінде немесе account.apple.com веб-сайтында қоссаңыз, жекелендірілмеген жаңалықтар жинақтарын аласыз.

Жеке деректерді өңдеу үшін қолданылатын құқықтық негіз

Біз Apple News жаңалықтар жинақтарына арналған жеке деректеріңізді келісіміңіз бойынша және заңды мүдделерімізге сәйкес өңдейміз. Қолданыстағы жергілікті заңда қарастырылған жағдайда, біз заңды мүдделеріміз үшін қажетті жеке деректердің келесі санаттарын өңдейміз:

• Аккаунтыңыз туралы ақпарат, мысалы, эл. пошта мекенжайы, Apple сервистеріне жазылымдарыңыз және есепшотқа арналған пошта индексіңіз
• Сіз жазылған арналар

Бұл заңды мүдделер жекелендірілген Apple News жаңалықтар жинағын жіберуді қамтиды.

Деректерді сақтау

Apple News сервисіне қатысты жеке деректерді іскерлік қажеттілік, келісімшарттық міндеттеме немесе заңды талаптар болғанша ғана сақтаймыз. Жазылымды сатып алу тарихы сияқты (сақталған карта мәліметтерінен басқа) деректер тіпті аккаунтыңызды жапқаннан кейін немесе Apple News+ жазылымынан бас тартқаннан кейін де бухгалтерлік жазбаларда сақталуы мүмкін. Сақтау мерзімдерін бағалау кезінде алдымен жиналған жеке деректерді сақтау қажет пе, жоқ па, соны мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді

Жарияланған күні: 2024 жылғы 20қыркүйек