• Сізге қатысты ұсыныстар көрсету үшін Apple аккаунтыңызда қатысы бар Apple жазылымдарының (соның ішінде Apple TV+ және MLS Season Pass) бар-жоғын тексереміз.
• Apple компаниясы Apple аккаунтыңызбен байланыстыруға болатын құрылғыңыз туралы ақпаратты нәтижелер, турнир кестелері және келесі ойындар сияқты ақпаратты жаңарту үшін пайдаланады.
• Apple компаниясы Apple өнімдері мен сервистерін жақсарту үшін қолданбаны қалай пайдаланатыныңыз туралы ақпаратты да жинайды. Бұл ақпарат Apple аккаунтыңызбен байланысты емес.
• My Sports қолданбасын қоссаңыз, сіз жазылған спорт түрлері, лигалар, командалар және спортшылар қолдау көрсетілетін Apple қолданбаларында синхрондалуы үшін Apple аккаунтыңызбен байланыстырылады.

Apple Sports қолданбасы ақпаратыңызды қорғайтындай және бөлісу қажет нәрселерді таңдауға мүмкіндік беретіндей етіп жасалған. Біз деректерді жинаған кезде оларды не үшін жинайтынымызды және қандай мақсатпен пайдаланатынымызды білуіңіз маңызды деп ойлаймыз.

Apple Sports қолданбасын пайдалану

Apple Sports қолданбасын пайдаланған кезіңізде, Apple компаниясы Apple аккаунтыңызбен байланыстыруға болатын құрылғыңыз туралы ақпаратты нәтижелер, турнир кестелері және келесі ойындар сияқты ақпаратты жаңарту үшін пайдаланады.

Оған қоса My Sports үшін синхрондауды қоссаңыз, сіз жазылған спорт түрлері, лигалар, командалар және спортшылар туралы ақпарат қолдау көрсетілетін Apple қолданбаларында синхрондалуы үшін Apple аккаунтыңызбен байланыстырылады, сондай-ақ сіз көретін контентті жекелендіру және сізге хабарландырулар жіберу үшін пайдаланылады. My Sports қолданбасы туралы ақпарат алу үшін www.apple.com/legal/privacy/data/kz/my-sports веб-бетіне өтіңіз.

Apple Sports қолданбасын жетілдіру

Apple компаниясы Apple Sports қолданбасын қалай пайдаланатыныңыз туралы Apple аккаунтыңызбен байланысты емес ақпаратты да жинайды. Бұл ақпаратқа сіз пайдаланатын функциялар және ашатын немесе көретін контент беттері туралы ақпарат, сондай-ақ қолданба жұмысы туралы ақпарат (мысалы, жүктелу уақытының мәліметтері, хабарландырулардың жеткізілуі және қателер мен ақаулар туралы ақпарат) жатады. Сондай-ақ бұл ақпаратқа құрылғыңыз туралы ақпарат (мысалы, құрылғы түрі мен операциялық жүйе нұсқасы) және интернет қосылымыңыздың IP мекенжайын географиялық аймаққа сәйкестендіру арқылы алынған болжалды геолокацияңыз туралы ақпарат жатады. Бұл ақпаратты Apple өнімдері мен сервистерін сізге және басқаларға жетілдіру және оңтайландыру үшін пайдаланамыз.

Үшінші тараптармен бөлісу

Apple компаниясы оған жіберілген ақпаратты сенімді үшінші тараптық сервис провайдерлерінде өңдеп, сақтауы мүмкін.

Кері байланыс

Apple компаниясы Apple Sports қолданбасы және қызығушылығыңызды тудыруы мүмкін басқа Apple өнімдері, сервистері мен ұсыныстары, соның ішінде Apple One жөнінде сізге қажет болуы мүмкін ақпарат жіберу үшін Apple өнімдеріңіз, жүктеп алынған Apple қолданбаларыңыз және сіз жазылған Apple сервистері сияқты аккаунтыңыз туралы ақпаратты пайдалануы мүмкін. Эл. пошта арқылы жарнамалық хаттар алуға келіссеңіз, бұл ақпаратты эл. пошта арқылы алуыңыз мүмкін. Эл. пошта параметрлерін өзгерту және осы эл. хаттарды алудан бас тарту үшін account.apple.com сайтына немесе iOS, iPadOS не visionOS құрылғыңызда «Реттеулер» > [атыңыз] > «Жеке ақпарат» > «Байланыс параметрлері» тармағына өтіңіз.

Деректерді сақтау

Apple жеке деректерді тек жинау мақсаттарын орындау үшін қажет болғанша, соның ішінде Apple құпиялылық саясатында немесе сервиске тән құпиялылық туралы хабарламаларымызда сипатталғандай немесе заңның талабы бойынша сақтайды. Сақтау мерзімдерін бағалау кезінде алдымен жиналған жеке деректерді сақтау қажеттігін мұқият тексереміз және сақтау қажет болса, жеке деректерді заң бойынша рұқсат етілген ең қысқа мерзім ішінде сақтаймыз. Егер Apple Sports қолданбасын пайдалануға қатысты сұрақтарыңыз болса немесе деректерді қорғау қызметкерімен байланысқыңыз келсе, бізге мына веб-мекенжай бойынша хабарласыңыз: www.apple.com/legal/privacy/contact.

Жеке деректерді өңдеу үшін қолданылатын құқықтық негіз

Біз Apple Sports қолданбасындағы жеке деректеріңізді әдетте Apple компаниясымен жасалған келісімшартыңызды орындау, қажет болған жағдайда қызмет көрсету және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес сұратамыз.

Қолданыстағы жергілікті заңда қарастырылған жағдайда, қолжетімді және орынды контентті, оның ішінде жарнаманы көрсету үшін біз заңды мүдделеріміз немесе үшінші тараптың мүдделері үшін қажетті жеке деректерді өңдейміз. Пайдаланылатын деректер Apple жазылымдарыңыз туралы ақпаратты қамтиды.

Apple компаниясы жинайтын ақпарат әрқашан Apple компаниясының құпиялылық саясатына (www.apple.com/kz/privacy сайтында берілген) сәйкес өңделеді

Жарияланған күні: 2024 жылғы 20қыркүйек